read and get paid!

http://www.readbud.com/?ref=6401892

ދަރިވަރުންގެ ޖަމްއިއްޔާ ވެސް ވުޖޫދަށް އަތުވެއްޖެއެވެ

ދަރިވަރުންގެ ޖަމްއިއްޔާ އެއް ހެދި، އެ ޖަމްއިއްޔާ ރަނގަޅަށް ހިނގަން ފެށުމަކީ ފެކަލްޓީގެ ދަރިވަރުންނަށް އިތުރު ފަސޭހަތަކެއް ލިބިގެންދާނެ ކަމެކެވެ. ހަގީގަތުގައި ދަރިވަރުންގެ ޖަމްއިއްޔާގެ ބޮޑު މަންޒަރު ދެކޭނަމަ އެ ޖަމްއިއްޔާގެ މައިގަނޑު ބޭނުމަކީ ފެކަލްޓީގެ ތެރޭގައި ދަރިވަރުން ކުރާ އެކިއެކި ކަންކަމުގައި އިސްނަގައި ހަރަކާތް ތެރިވާނެ ދަރިވަރުން ތަކެއް ނަން ވެފައި ވުމެވެ. ނުވަތަ އިސްކޮށް ހަރަކާތް ތެރިވާނެ ދަރިވަރުން ކޮޅެއް ތިބުމެވެ.

އިއްޔެ ނިމިގެން ދިޔަ ފެކަލްޓީ އޮފް ޝަރީއާ އެންޑް ލޯގެ ދަރިވަރުންގެ ޖަމްއިއްޔާގެ އެކި މަގާމްތަކަށް މެމްބަރުން އިންތިހާބުކުރުމުގެ އިންތިހާބު ނިމިގެން ދިޔައީ ކުރިން ހީކުރެވުނުހާ ފޯރި ގަދަކޮށް ނޫން ނަމަވެސް، އުންމީދަކީ މުސްތަގުބަލުގައި އެ ޖަމްއިއްޔާއިން ރާވާ ހިންގާ ހަރަކާތް ތަކަކީ ފޯރިގަދަ، ދަރިވަރުން ހިންހަމަ ޖެހޭ ހަރަކާތް ތަކަކަށް ވާނެކަމަށެވެ.

ޖަމްއިއްޔާގެ އިންތިހާބުކުރެވިފައިވާ އެކިއެކި މަގާމްތައް:

ރައީސް : އަޙްމަދު ސިނާޒް

ނައިބު ރައީސް (އިލްމީ) : އަޙްމަދު ނާޒިމް އަބްދުއް ސައްތާރު

ނައިބު ރައީސް (އަމަލީ) : މުޙައްމަދު ޝިފާޒް

އަމީންއާންމު : އިބްރާހިމް އިހުސާން

ހަޒާންދާރު : ޝަމީމް ފައިސަލް

އެކިއަހަރު ތަކުގެ މަންދޫބުން: ސިރާޖް، ހަސްނާ މުޙައްމަދު، މުނާ ޝަމީމް، އަބްދުއްﷲ ޒާހިރު،

އިންތިހާބު ވެސް ނިމިގެން ދިޔައީއެވެ. މިހާރު ކޮންމެ މީހަކު ވެސް ދެން ހިތަށް އަރާނީ މި ޖަމްއިއްޔާ އެއް ވުޖޫދަށް އައުމުން ލިބެނީ ކޮން ފައިދާ އެއްތޯއެވެ! މީ ކީއްކުރާ ޖަމްއިއްޔާ އެއްތޯއެވެ. އިންތިހާބުވީ ޖަމްއިއްޔާ އިން ހާސިލް ކުރާނެ ބައެއް ލަނޑުދަނޑިތަށް ކުރިން ވަނީ ވަރަށް ގަދަ އަށް މަޝްވަރާ ކުރެވިފައެވެ. އެމަޝްވަރާތަކުގައި މިހާރު ޖަމްއިއްޔާ އަށް އިންތިހާބުވެފައިވާ ރައީސް އަދި އަމީންއާންމު ވެސް ބައިވެރި ވެފައި ވެއެވެ. މައިގަނޑު ގޮތެއްގައި އެކަންތަކަކީ:

· ދަރިވަރުންގެ މަޖައްލާއެއް ހެދުން

· ބަލްކް އެސްއެމްއެސް ސިސްޓަމެއް ގާއިމް ކުރުން

· ފެކަލްޓީ ގައި ވައިފައިން އިންޓަރނެޓް ލިބޭނެ ނިޒާމެއް ގާއިމް ކުރުން

· ދަރިވަރުންގެ ކިޔަވާ މާއްދާތަކުގެ ސަބްޖެކްޓް އައުޓްލައިން އަޕްޑޭޓް ކުރުމަށް ބާރުއެޅުން

ފެކަލްޓީ އަށް ނަމަ ދަރިވަރުންނަށް ނަމަ މިނޫން ވެސް ކޮށްދެވިދާނެ އެތައް ކަމެއް އެބަހުއްޓެވެ. މިސާލަށް ތަފާތު ކުދިންނަށް ތަފާތުކޮށް އޮންނަ ހަޒިރީ މާކް ކުރުމުގެ ކަންތައް ހައްލު ކުރެވިދާނެއެވެ. ކިވަޔައިދޭ މާއްދާ ތަކަށް ލެކްޗަރާއިން ހޯދުމަށް އިދާރާ އަށް އަމަލީ ގޮތުން އެހީތެރިވެވިދާނެއެވެ.

މިހާރު އުފެދޭ އެންމެ ބޮޑު ސުވާލަކީ އިންތިހާބުވެފައިވާ ޖަމްއިއްޔާ އަށް މިކަން ހިންގާލެވޭނެ ތޯއެވެ. އިންތިހާބު ވެފައިވާ ދަރިވަރުންގެ ގިނަ މީހުންނަކީ އެންމެ ދެރަމިނުން ޖަމްއިއްޔާގެ އަސާސީ ގަވާއިދު ރަނގަޅަށް ކިޔާފައިވާ ބައެއްވެސް ނޫނެވެ. ހަގީގަތުގައި މި ޖަމްއިއްޔާ މުސްތަގުބަލުގައި ވުޖޫދުގައި ބޭއްވުމަށް ދެވޭ އެންމެ ބޮޑު ހިއްވަރަކީ މިފަހަރު ޖަމްއިއްޔާގެ ހިންގުން މެކުހަށް ޖެހުމެވެ.

އަޅުގަނޑު ކުރިން ދެންނެވި މަޝްވަރާ ކުރުން ތަކުގައި ބައިވެރިވި މީހެއްގެ ހައިސިއްޔަތުން އަޅުގަޑުގެ ހިތުގައި ވެސް ހަމަލިޔުމުގައި މިވާ ބައެއް ލަނޑުދަނޑިތައް އޭގެ ކާމިޔާބާ ހަމައަށް ވާސިލް ވުމުގެ މަގުޗާޓު ކުރެހި ތަސައްވުރު ވެފައި ވެއެވެ. ހަމަ އެހެންމެ އެއިގެ ބައެއް ލަނޑުދަނޑި ތަކަކީ ވަރަށްކުރިންސުރެ އެކަންތައް ފެެއްޓުމުން ފެކަލްޓީއަށް ކުރިއެރުން ލިބޭނެ ކަމަށް އަޅުގަނޑު މިބްލޮގް ގައި ވެސް ލިޔެވި ތަފްސީލް ކުރެވިފައިވާ ކަންތަކެވެ.

ކޮންމެއަކަސް އުންމީދަކީ މިފަހަރު ޖަމްއިއްޔާ ފުރިހަމަ އަށް ހިންގާލާނެކަމެވެ. އަދި ހަމަ އެހެންމެ މިފުރުސަތުގައި ޖަމްއިއްޔާގެ އެކި މަގާމްތަކަށް ހޮވިފައިވާ މެމްބަރުންނަށް ވަރަށް ހޫނު މަރްހަބާ އެއް ކިޔަމުން، ޖަމްއިއްޔާ ހިންގުމުގައި އަޅުގަނޑަށް ވީވަރަކުން، އަޅުގަނޑުގެ ލަޔާގަތާއި ޤާބިލިއްޔަތު ތަންދިން އެންމެ މަތީ ފެންވަރަކުން އެހީތެރިކަންދޭނެ ކަމުގެ ފުރިހަމަ އިތުބާރު އިންތިހާބުވެފައިވާ އެންމެހާ މެމްބަރުންނަށް ދެމެވެ.

އިމްތިހާނުގައި ކޮޕީކުރުމުން ދޭންވީ ބޮޑުއަދަބެއް ހެއްޔެވެ! ނޫނީ ކުޑައަދަބެއް ހެއްޔެވެ!

އިމްތިހާނު ތަކުގައި ކޮޕީ ކުރުމުގެ ވާހަކައަކީ އަޅުގަނޑުމެންނަށް އާވާހަކައެއް ނޫނެވެ. ހަގީގަތަކީ މިއީ އަޅުގަނޑުމެންގެ މުޖުތަމައުގެ ތެރޭގައިވާ ވަރަށް ނުރަނގަޅު ސިފައެކެވެ. ކޮންމެ ވެސް މޮޅުގޮތަކުން އިމްތިހާނުގައި ކޮޕީކޮށްލައިގެން މޮޅު ނަތީޖާއެއް ހޯދުމަކީ ބައެއްމީހުންނަށް ކިޔެވުމަށް ވުރެވެސް މާމޮޅުގޮތެކެވެ. ދެރަކަމަކީ ތިމާއަށް ހޯދޭ ނަތީޖާއަކީ ނުހައްގުން ހޯދޭ ނަތިޖާ އެއްކަން ނުވިސްނޭތީއެވެ.

ސުކޫލެއްކަމަށް ވިޔަސް، ޓީޗަރުކަން ކިޔަވާ ފެކަލްޓީއެއް ކަމުގައި ވިޔަސް ކޮޕީ ކުރުން މިވަނީ އާންމުވެފައެވެ. ނަމަވެސް ގާނޫނީ ދާއިރާގައި ކިޔަވާ ދަރިވަރުން ކޮޕީ ކުރެޔޭ ބުނެފިނަމަ އެކަން އަޅުގަނޑުގެ އަމިއްލަ ޒަމީރަށްވެސް ގަބޫލް ކުރަން ދައްޗެވެ. އަޅުގަނޑުމެން ގާނޫނު ކިޔަވާ ދަރިވަރުން ވާންޖެހޭނީ މިފަދަ ކަންތަކުން އެއްކިބާވެގެންވާ ތަންކޮޅެއް ބަނިޔާދަން ބަޔަކަށެވެ!

ތަންކޮޅެއް ކުރީގެ ތާރީޚަކަށް ޖެހިލަމާ ތޯއެވެ. ގާޒީންނަށް އަމާޒުކޮށްގެން އެމީހުންގެ ފެންވަރުމަތިކޮށްދިނުމުގެ މަޤްސަދުގައި ކުއްލިއްޔާއިން ހިންގަމުން އައި ކޯހެއްގައި، އެކޯހުގައި ކިޔަވަމުންއައި ގާޒީއަކު ކޮޕީކޮށްގެން ފަޅާއެރިއެވެ. އަޅުގަނޑުމެންގެ އާންމު ބަހުންނަމަ 'ބަސްޓު' ވީއެވެ. އޭރު އެގާޒީ އަކީ ޖިނާއީކޯޓުގައި މަސައްކަތް ކުރަމުން އަންނަ ގާޒީއެކެވެ. ބުނެވޭ ގޮތުގައި އެގާޒީ ކޮޕީކުރީ އެނާ އެއްޗެހިތަކެއް ލިޔެފައިވާ ގަޑެއް ސިއްރުން އިމްތިހާނުހޯލަށް ވައްދައިގެންނެވެ. ވަރަށް ދެރަކަމެކެވެ. އެއީ ނިމިގެން ދިޔަ އަހަރުގައި ހިނގާދިޔަ ކަމެކެވެ. އެކަމުގެ ސަބަބުން އެގާޒީ އެއިމްތިހާނުން ފެއިލް ކޮށްލެވުނެވެ.

އެތާރީޚަށް ވުރެވެސް ކުރިއަށް ޖެހިލަމާތޯއެވެ. 2009 ވަނަ އަހަރު ފެކަލްޓީ އޮފް ޝަރިއާ އެންޑް ލޯގައި ކިޔަވަމުން ދިޔަ ދަރިވަރަކު އަހަރުގެ ބޮޑު އިމްތިހާނުގައި ޓީޝޫ އެއްގައި ލިޔެގެން ކޮޕީ ކުރަނިކޮށް ފަޅާއެރިއެވެ. މިބުނާ ދަރިވަރު އެއަހަރުގެ އެސެމިސްޓަރުގެ އިމްތިހާނަކުން ފެއިލްކޮށްލެވުނެވެ.

ކޮޕީކުރުމަކީ ހަރުކަށި އަދަބު ދޭންޖެހޭ މައްސަލައެކެވެ. ނަމަވެސް ހަރުކަށިކަން އިންތިހާއަށް ގޮސް ހައްދުން ނައްޓާ ހިސާބަކަށް ނޫނެވެ. އަޅުގަނޑުގެ ނަޒަރުގައި ފެކަލްޓީ އޮފް ޝަރިއާ އެންޑް ލޯގައި މިކަމުގައި ގެންގުޅެނީ މާހަރުކަށި އުސޫލެކެވެ!

އަޅުގަނޑުގެ ނަޒަރުގައި ކޮޕީކުރުމަކީ ކުށެކެވެ. ގިނަފަހަރު މިކުށަށް ދަފަރާ ވެވޭކަށްވެސް ނޯވެއެވެ. އިންސާނުންނަކީ ކުށްކުރެވޭ ބަޔަކަށް ވީހިނދު، ކުރެވޭ ކުށަކުން މުސްތަގުބަލަށްޓަކައި ކުރެހިފައިވާ ހުރިހާ ތަސްވީރުތައް ފަނޑުވާގޮތަށް އެމީހަކަށް އަދަބުދެވުމަކީ އިންސާފުކަމަށް ގަބޫލްކުރަން ދައްޗެވެ. އެކަމަށް އަދަބުދިނުމުގައި އެމީހެއްގެ ފަތްތުށްތަކަށް ބަލާ އިންސާނިއްޔާތުކަމާއެކު އިންސާފުކުރުމަކީ އެންމެ ހަމަޖެހޭ އުސޫލެވެ.

ކޮޕީކުރުމުގެ ކުށްތަކަށް އަދަބު ދިނުމުގައި މުޅިއަހަރުގެ އިމްތިހާނުން ފެއިލްވާ ގޮތަށް ނުވަތަ މުޅިސެމިސްޓަރުގެ އިމްތިހާނުން ފެއިލްވާ ގޮތަށް އަދަބު ދޭނަމަ އެދެވޭ އަދަބުން އެފަދަ މީހެއްގެ ކުރިމަރާލެވެނީއެވެ. އެމީހެއްގެ ކިޔެވުން ވަފާތުކޮށްލެވެނީއެވެ.
އަދަބަކީ އިންސާނާ ކުރާ ނުރަގަނޅު ކަންތަކަށް ދެވޭ އުޤޫބާތެކެވެ. އެއިގެ މަޤްސަދަކީ އިންސާނާ އިސްލާހުކޮށް ކުރީގައި ކުރެވިދިޔަ ކަންތައް ތަކުރާރު ނުކުމަށް އިންޒާރު ދިނުމެވެ. އަދަބު ދިނުމުގައި އިސްލާމްދީނުގައި ވަރަށް މަތިވެރި އުސޫލެއް ވެއެވެ. ކޮންމެ ކުށަކަށްވެސް ވަނީ އެކުށަކާ އެކަށީގެންވާ ފަދަ އަދަބެކެވެ.

ވަރަށްފަހުން ވެސް ހިނގާދިޔަ މިފަދަ މައްސަލައެއްގައި ވަނީ ދަރިވަރަކު މުޅިއަހަރުގެ އިމްތިހާން އިން ފެއިލްކޮށްލެވިފައެވެ. މާބޮޑު އަދަބެކެވެ. އަޅުގަނޑުގެ ވިސްނުމެވެ. މިފަދަ އަދަބުތަކަށް އިސްތިއުނާފްކޮށް އަދަބެއްގެ ގޮތުން ވަކި ވަރަކަށް ފައިސާ ދައްކައިގެން ހައްލު ކުރެވޭ ގޮތަށް އޮންނަނަމަ އެގޮތް ވެސް ރަނގަޅެވެ. އެހެން ނަޒަރަކުން ދެކޭނަމަ ފެއިލް ކުރަންވާނީ ކޮޕީކުރި އިމްތިޙާން އިންނެވެ! ކޮޕީ ނުކުރާ އިމްތިހާންއިން ފެއިލް ކުރުމަކީ ވެސް އިންސާފެއް ނޫނޭ ބުނެވިދާނެއެވެ. އެއީ އަދަބު ދިނުމުގައި އެމީހަކު ނުކުރާ ކަމަކަށް އަދަބު ނުދެވޭނެ ކަމަށް އިސްލާމީ ޝަރީއަތާއި ދިވެހިރާއްޖޭގެ ގާނުނު އަސާސީވެސް ހެކިދޭތީއެވެ.

ހަގީގަތުގައި ކޮޕީ ކުރުމުގެ ސަގާފަތް އާންމު ވަމުން މިދަނީ އެކަމުގައި ހަރުދަނާ ފިޔަވަޅުތަކެއް އެޅެމުން ނުދާތީއެވެ. ފެކަލްޓީ އޮފް ޝައިރާ އެންޑް ލޯ ގައި ނަމަ، ބައެއްފަހަރު މިޑްސެމް އެގްޒާމް ތަކުގައި ކޮޕީ ކުރާތަން ފެނި އެކަމަށް އެއްވެސް ފިޔަވަޅެއް ނޭޅި އެބަހުއްޓެވެ. ބައެއްފަހަރު މުޅި ކުލާސް އެކީގައި ކޮޕީ ކުރާކަން އެގި ކިޔަވައި ދެއްވާ މުދައްރިސް އެއްވެސް ފިޔަވަޅެއް ނާޅާ އެބަހުންނަވައެވެ. ބައެއްފަހަރު ހަދަން ޖެހޭ ޓިއުޓޯރިއަލްތައް އެއްދަރިވަރަކު ހެދުމަށްފަހު ދެންތިބި ހުރިހާ ދަރިވަރުން ކޮޕީ ކުރުމުން އެހުރިހާ އެންމެނަށް އެންމެ މަތިން މާރކްސް ދީފައި އެބަހުއްޓެވެ. އިންސާފު ކޮބައިތޯއެވެ! އިންސާފަކީ ހަމައެކަނި ބޮޑު އިމްތިހާނުގައި އަޅާލާކަން ދެއްކުމުގެ ގޮތުން ކޮޕީ ކުރާ ކުއްޖާ އަށް ދެވޭ ނުއުފުލޭ ވަރުގެ ބޮޑު އަދަބު ހެއްޔެވެ!

އެއީ އިންސާފުކަމަށް ގަބޫލް ކުރާނަމަ އެކަމުން ދޭހަވަނީ އެކަމާ ހަވާލުވެތިބޭ އިސްމީހުންގެ ޒިންމާދާރުކަމާއި ހަރުދަނާ ކަމެއް ނެތްކަމެވެ. ފެކަލްޓީ އޮފް ޝަރިއާ އެންޑް ލޯގެ އިސް ބޭފުޅުންނަކީ މިރާއްޖޭގެ ބޮޑެތި ޝެއިޚުންނެވެ. ކޮޕީކުރުމުގެ މައްސަލަތަކުގައި ހަމަހަމަ ކުރުމަށާއި، އެކަންކުރިމީހާގެ ރިކޯޑް ތަކަށްބަލައި އެކަމުގައި ދެވެން އޮތް އެންމެ ލުއި އަދަބު ދިނުމަށް އަޅުގަނޑު އެބޭފުޅުންނަށް ގޮވާލަމެވެ!

މާދުރުގައި...

ވަރަށް ވެސް ގިނަ ދުވަސް ވެއްޖެއެވެ. ހަމަ ވަރަށް ވަރަށް ގިނަ ދުވަހެވެ. މިދިޔަ ދުވަސްތަކުގައި ލައްކަ ގިނަ ކަންތައް ވެނިމިގެން ހިނގައްޖެއެވެ. ފިސާރި މުހިންމު ނިންމުންތައް ނިމިހިނގައްޖެއެވެ. ނަމަވެސް އުޅެވުނީ ލިޔުންތެރިކަމާ ނުވަތަ ބްލޮގްކުރުމާ ތަންކޮޅެއް ދުރުގައެވެ. ތަންކޮޅެކޭ ނުބުނެ ވަރަށް ދުރުގައޭ ވެސް ބުނެވޭ ވަރުވެއެވެ.

އެންމެ ފުރަތަމަ ކަމަކަށް އުނިވާރސިޓީ ކައުންސިލްގެ އިންތިޚާބެވެ. ފޯރިގަދަކަމާއެކު ކުރިއަށް ދިޔަ އިންތިޚާބުގައި އަޅުގަނޑު ފުރިހަމަ ތާއީދެއް ކުރީ އަޅުގަނޑާއެކުގައި އެއްމާޙައުލެއްގައި ކިޔަވަމުންދާ ދަރިވަރަކަށެވެ. ނަމަވެސް އިންތިޚާބުގައި ކުރިހޯއްދެވީ ވާދަވެރި ފެކަލްޓީ އޮފް އެޑިއުކޭޝަންގެ ދަރިވަރެކެވެ. އުންމީދުކުރަނީ އެމަޤާމަށް ކޮންމެ މީހަކު ހޮވުނަސް ދަރިވަރުންގެ ހައްގުގައި އަޑު އުފުލާނެކަމަށެވެ.

މިދިޔަ ދުވަސްތަކުގައި އަޅުގަނޑު ކިޔަވަމުންދާ ފެކަލްޓީ އޮފް ޝަރިއާ އެންޑް ލޯގައި ދަރިވަރުންގެ ޖަމްއިއްޔާއެއް ވެސް ވުޖޫދަށް އަތުވެއްޖެއެވެ. އަދި އެޖަމްއިއްޔާގެ ޤަވާއިދެއް އެކުލަވާލެވި، ޖަމްއިއްޔާގެ މަގާމުތަކަށް މީހުން ހޮވުމުގެ އިންތިޚާބުވެސް އިއުލާނު ކުރެވިއްޖެއެވެ. ވަރަށް ގިނަ ދަރިވަރުންގެ ފުރިހަމަ އެއްބާރުލުމާއެކު ކުރެވުނު މިމަސައްކަތުން ފެކަލްޓީއަށް ނުހަނު ގިނަ ފައިދާތަކެއް ވުމަކީ ދެކޭ ހުވަފެނެކެވެ.

ކުރިއަށް އޮތް ދުވަސްތަކުގައި ފެކަލްޓީގެ އިންތިޚާބާ ގުޅޭ ލިޔުންތައް އިރާދަކުރެއްވިއްޔާ ލިޔަމުންގެންދާނަމެވެ! އާމީން!

FSL Football Tournament 2011

އެފް.އެސް.އެސް ފުޓުބޯޅަ މުބާރާތް

ކޮންމެ އަހަރަކުވެސް ފެކަލްޓީގައި ބާއްވަމުން އަންނަ ފުޓުބޯޅަ މުބާރާތް މިމަހު 5 ގައި ފެށި، މިދިޔަ ހޯމަ ދުވަހަށް ނިމިފައިވާއިރު، މިއަހަރުގެ މުބާރާތުގެ ޗެމްޕިއަންކަން ހޯދައިފައި ވަނީ ލެކްޗަރާއިންގެ ޓީމެވެ. މުޅި މުބާރާތަށް ބަލާއިރު، މިއަހަރުގެ މުބާރާތް ސިފަ ކުރެވެނީ އެއްވެސް ހިންގުންތެރިކަމެއް ނެތް ރޭވުންތެރިކަމެއް ނެތް "ވައި" މުބާރާތެއްގެ ގޮތުގައެވެ.

މިއަހަރުގެ މުބާރާތުގައި 7 ޓީމް ވާދަކޮށްފައި ވެއެވެ. އެއީ:

އެއް.އެލް.ބީ ޔެއަރ 1

މިޓީމަކީ މި މުބާރާތުގައި މުޅިން އަލަށް ވާދަކުރި ޓީމެކެވެ. މިއީ މިއަހަރު އަލަށް ފެކަލްޓީގައި ތައުލީމް ހާސިލް ކުރަމުންދާ ދަރިވަރުންގެ ޓީމެކެވެ. މިޓީމް ވެގެން ގޮސްފައި ވަނީ ހީކުރެވުނު ގޮތަށް ވަރަށް ސަޕްރައިޒިން ޓީކަމަށެވެ. މި ޓީމްގައި އެންމެ ފާހަނގަ ކޮށްލެވޭ ކުޅުންތެރިންނަކީ މުޙައްމަދު ނަޝީދު (އަންނި / ކުރިން ފެކަލްޓިގައި ތައުލީމް ހާސިލް ކޮށް 2009 ވަނަ އަހަރު ޔެއަރ 1 ގެ ޓީމަށް ކުޅެފައިވާ ކުޅުންތެރިއެއް) އަދި އާޔަތުއްﷲ (މިއަހަރު ޔެއަރ 4 ގެ ދަރިވަރެއް) އަދި ހަމަ އެހެންމެ އެޓީމުގެ ޖާރޒީ ނަމްބަރ 10ގެ ކުޅުންވެސް ވަރަށް ފާހަނގަ ކޮށްލެވުނެވެ. މިޓީމް މުބާރާތަށް އަލްވަދާއުކީ ސެމީފައިނަލްގައި ބަލިވުމުންނެވެ.

އެއް.އެލް.ބީ ޔެއަރ 2

މިޓީމަކީ މިއަހަރުގެ މުބާރާތަށް އެންމެ ތައްޔާރުވި އެއްޓީމެވެ. ތަށިހާސިލް ކުރުމުގެ އަޒުމުގައި ފާއިތުވެދިޔަ އަހަރުތަކުގެ މޮޅުކުޅުންތެރިން ހޯދާ މުބާރާތް ފެށުމުގެ އެއްމަސްދުވަސް ކުރިން ވަނީ ޕްރެކްޓިސް ފަށައިފައެވެ. މާލީގޮތުން އެންމެ ބޮޑު މުއްސަދިކަމެއް ލިބިފައިވާ މިޓީމުގެ ގިނަ ކުޅުންތެރިންނަކީ ފާހަނގަ ކޮށްލެވޭ ހުނަރުވެރި ކުޅުންތެރިންނެވެ. އޭގެތެރޭގައި ސަމާޙް، ތޯޙާ، އުމަރު ހިމެނެއެވެ. ޓީމުގެ ފޮރިން ކުޅުންތެރިންގެ ތެރޭގައި ހިމެނޭ ޔަޝައު(ކުރީގެ އޭސީއެސްއެލް ގްރެޖުއޭޓެއް)، ޒުއްބަ (ގްރެޖުއޭޓެއް، މިހާރުގެ ޖިނާއީ ކޯޓުގެ ގާޒީއެއް) އަދި މޯޑު އަކީ ވެސް ވަރަށް ފާހަނގަ ކޮށްލެވޭ ކުޅުންތެރިންނެވެ. ނަމަވެސް މިޓީމަށް ވަނީ އެޓީމުގެ އަސްލު ކުޅުން މުބާރާތުގައި ދައްކާލެވޭ ގޮތް ނުވެފައެވެ. މުބާރާތަށް އަލްވަދާއު ކިޔަން ޖެހުނީ ސެމީފައިނަލާ ހަމައިންނެވެ.

އެއް.އެލް.ބީ ޔެއަރ 3

މިޓީމަކީ މި މުބާރާތުގައި 3 ފަހަރު ބައިވެރިވެ މިއަދާހަމަ އަށް ތައްޓެއް ހާސިލް ނުކުރެވިފައިވާ ޓީމެކެވެ. މިޓީމްގައި އެންމެ ފާހަނގަ ކޮށްލެވެނީ އެޓީމްގެ ސަޕޯޓަރުންނެވެ. ފާއިތުވެދިޔަ މުބާރާތްތަކުގައި ކުޅުންތެރިންނާ އެއްވަރަށް އެޓީމްގެ ސަޕޯޓަރުންގެ ހުނަރުވެސް ވަނީ ދައްކާލާފައެވެ. ނަމަވެސް ސަޕޯޓަރުންގެ އެހީއެއްމިޓީމަށް މިފަހަރުގެ މުބާރާތުގައި ނުލިބުމަކީ ވަރަށް ހައިރާންވި ކަމެކެވެ. މިޓީމްގައި އެންމެ ފާހަނގަ ކޮށްލެވޭ ކުޅުންތެރިއަކީ ކުރީގެ އޭސީއެސްއެލްގެ ގްރެޖުއޭޓެއް ކަމަށްވާ ޝަފްރާޒް (ސައްޕެ) އެވެ.

އެއް.އެލް.ބީ ޔެއަރ 4

މިނަމުގައި ކޮންމެ މުބާރާތެއްގައި ކުޅޭޓީމަކީ އަބަދުވެސް މުބާރާތުގައި ވަރަށް ފާހަނގަ ކޮށްލެވޭ ޓީމެކެވެ. ފާއިތުވެދިޔަ މުބާރާތް ތަކުގައި މިނަމުގައި ކުޅުނު ވަރަށް ގިނަ ޓީމްތައް ވަނީ މުބާރާތް ތަކުގެ ޗެމްޕިއަންކަން ހޯދާފައެވެ. ނަމަވެސް މިއަހަރުގެ މިޓީމް ބެލެވިފައި ވަނީ އެހެން އަހަރުތަކާ ޙިލާފަށް ވަރަށް "ބަލި" ޓީމްއެއްގެ ގޮތުގައެވެ.

ޑީ.ޖޭ.އެސް

މިއީ ގްރެޖުއޭޓުންގެ ޓީމެކެވެ. ޑިޕްލޮމާ އިން ޖަސްޓިސްކޯހުގެ ދަރިވަރުންގެ ޓީމެކެވެ. 2010 ވަނަ އަހަރުގެ މުބާރާތުގެ ޗެމްޕިއަންކަން ހޯދީވެސް މިޓީމްއިންނެވެ. ފާހަނގަ ކޮށްލެވުނު ކުޅުންތެރިންގެ ތެރޭގައި އިއްބެ(އޮބި)، އިއްބެ (ވާހިދު) އަދި ޒާލިފް ހިމެނެއެވެ. އެލް.އެލް.ބީ ގެރެޖުއޭޓުންގެ ތެރެއިން ޝާފިއު ކުޅެފައި ވަނީ މިޓީމްއަށެވެ. މި ޓީމްއަކީ މިފަހަރުގެ މުބާރާތުގެ ރަނަރަޕް ޓީމެވެ.

ގްރެޖުއޭޓްސް

މިޓީމަކީ އެކިއަހަރުތަކުގައި ގްރެޖުއޭޓްވެފައިވާ ދަރިވަރުންގެ ޓީމެކެވެ. ޓީމް ހިންގުމުގައި އިސްކޮށްއުޅެފައިވަނީ ކުޑަ ނާޒިމްއެވެ. ހިންގުންތެރިކަމެއްނެތް މިޓީމް ކުޅުނު ފުރަތަމަ މެޗް ފެށިއިރުވެސް ކުޅުންތެރިން ހަމައެއް ނުވެއެވެ. މުބާރާތުން އަލްވަދާޢު ކިޔައިފައި ވަނީ ގްރޫޕް ސްޓޭޖްގައެވެ.

ލެކްޗަރާރސް

މިއީ ހަގީގަތުގައި ކޮލެޖްގައި ކިޔަވައިދެމުންދާ ލެކްޗަރަރއިން މުބާރާތުގައި ބައިވެރިކޮށް ދަރިވަރުންނާއި މުދައްރިސުންގެ މެދުގައި ވާގުޅުން ބަދަހި ކުރުމަށް މިދިޔައަހަރުއްސުރެ އުފެދިފައިވާ ޓީމެކެވެ. އެހެން ނަމަވެސް މިއަހަރު މިޓީމް ވެފައިވަނީ ފެކަލްޓީއިން ބައިވެރިވާ ޓީމަކަށްވުރެ ބޮޑަށް ޔުނިވާސިޓީއިން ހޮވާލެވިފައިވާ ޓީމަކަށެވެ. އެހެން މިދެންނެވީ މިޓީމްގައި މިއަހަރު ހިމެނިފައިވަނީ ފެކަލްޓީއާއި ގުޅުންހުރި އެންމެ މީހެކެވެ. ދެންބާކީތިބީ ހުސް ޔުނިވާރސިޓީގެ އިދާރީ އޮފީހުގެ މުވައްޒަފުންނެވެ. މިފަހަރުގެ މުބާރާތުގެ ޗެމްޕިއަންކަން ހޯދާފައި ވަނީ މިޓީމް އިންނެވެ. އެހެންނަމަވެސް މިޓީމަކީ މިމުބާރާތުގައި މިނަމުގައި ކުޅުމުގެ ފުރުސަތު ދެވިގެންވާނެ ޓީމެއްކަމަށް އަޅުގަނޑު ނުދެކެމެވެ.

This may be the most important blog post I ever write; if it is, dear readers, only you will know the truth

ބިއާރޑީ ގޯޓީގެ ހަގީގަތް
ތިރީގައިމިވަނީ beardiegoatie7.172@gmail.com އިން ފޮނުވާފައިވާ އީމެއިލެކެވެ. ފޮނުވާފައިވަނީ
އެއްވަނަ އަހަރުގައި ކިޔަވަމުންދާ އިމާދް ސޯލިޙް holhuashirebelz@gmail.com އަށާއި ތޯހާ Thohexz@hotmail.com އަދި އަޅުގަނޑަށެވެ. beckham_x5x@hotmail.com

އަޅުގަނޑު މިއަދު 9 ނޮވެމްބަރ 2010 އިން ފެށިގެން 2 ހަފްތާ ދުވަހަށް އެފް އެސް އެލް އިންޤިލާބުގެ މަސައްކަތްތަކުން ޗުއްޓީ އެއް ނަގާކަން އިންޤިލާބުގެ ހުންގާނުގެ އިއްޒަތްތެރި މެންބަރުންނަށް ވާނީ އަންގާފައެވެ. ނަމަވެސް އަޅުގަނޑު ދެކޭ ގޮތުގައި ބިއަރޑީ ގޯޓީ މިޝަން 2 ހަފްތާއަށް ހުއްޓާލައިފިނަމަ އިންޤިލާބުގެ މަސައްކަތަށް ބުރު އެރުން އެކަށީގެންވެއެވެ. އަދި އިންޤިލާބުގައި ހިމެނޭ ޖޫނިއަރ މެންބަރުންނަށް އަޅުގަނޑު 2 ހަފްތާ އަށް ޗުއްޓީ އެއް ނެގިކަންވެސް އެންގުން އެއީ އެހާ ބުއްދިވެރި ގޮތެއް ނޫންކަމަށް ފެނެއެވެ. އެހެންކަމުން ކުރިންވެސް ރޭވި ފަދައިން ކުރިއަށް އޮތް 2 ހަފްތާ ފޭސްބުކް ގައި ދެން ބިއަރޑީ ގޯޓީ ތަމްސީލް ކުރާނީ އިންޤިލާބުގެ ހުންގާނުގައި ހިމެނޭ ތިން ބޭފުޅުންނެވެ. ފޭސްބުކް ގައި ބިއަރޑީ ގޯޓީގެ ޕާސްވަރޑް އަކީ ހަމަ ކުރިންވެސް ތިބޭފުޅުންނަށް ފޮނުވާފައިވާ ޕާސްވަރޑް އެވެ. އަދި ބިއަރޑީ ގޯޓީގެ އެފް އެސް އެލް އިންޤިލާބުގެ މުއާމަލާތްތައް ކުރިއަށް ގެންދަވާ އީމެއިލް އަދި ޕާސްވަރޑް ތިރީގައިވާ އެވަނީ އެވެ:
Beardiegoatie7.172@gmail.com
b3ard!3g0at!eroxfucku$hinaz
ގަދަ ކީރިތިވަންތަ މާތް ﷲ އަޅުގަނޑުމެންގެ މަސައްކަތުގައި ނަޞްރާއި ކާމިޔާބު ދެއްވާނދޭވެ! އާމީން.

ބިއަރޑީ ގޯޓީ،
އެފް.އެސް.އެލް. އިންޤިލާބުގެ މުދީރު ޢާއްމު އަދި ރޫޙީ ޒަޢީމު

މިއީ ކީއްވެގެން އަޅުގަނޑަށް ފޮނުވި އީމެއިލް އެއްކަމެއް އަޅުގަނޑަކަށް ނުވިސްނެއެވެ. އެއް ގޮތަކީ އަޅުގަނޑު ނޫސް ނެރުމުގައި ބައިވެރިކަމަށް ބުނެ އޮޅުވާލާ އަޅުގަނޑުގެ ނަން ހުތުރު ކޮށްލުމެވެ. އަނެއް ގޮތަކީ ބިއާރޑީ ގޯޓީ އާއި މަތީގައި ނަން ބަޔާން ކުރެވިފައިވާ 2 މީހުން އެކުވެގެން ނޫސްނެރޭނަމަ އެކަމުގައި އަޅުގަނޑު ބައިވެރި ކުރުމެވެ.
ތިރީގައި މިވަނީ ބިއާރޑީ ފޭސްބުކް އިން އަޅުގަނޑަށް ފޮނުވާފައިވާ އީމެއިލް އެކެވެ.

mind mailing that pics in its original?
...[beckham_x5x@hotmail.com]

Still want the pictures?!
Iam talking to yu because i think yu r the only one equal to me in Shinau Shinaz's Faction.Yu are one of the few people whom I look forward as a worthy opponent.Think yu can put up a fight?Can yu still challenge my mind games?!
Dont disappoint me Friend!
Im waiting for yu..

ލިޔުމުގެ ފަހުބައި ދެންއަންނަ ލިޔުމެއްގައި.....

ބިއާޑީ ގޯޓީގެ ހަޤީގަތް

ފަހަރެއްގައި އަލަށް "ބިއާރޑީ ގޯޓީ" މިނަން އަޑުއިވޭ މީހަކަށް މިބިއާރޑީ ގޯޓީގެ ވާހަކަ ނޭގި ހުރެދާނެއެވެ. އެހެންކަމުން މީނާގެ ތަޢާރަފަކަށް ދަމާ ހިނގާށެވެ. މީނާ އަކީ ފޭސްބުކްގައި ނަމަކަށް ބިއާރޑީ ގޯޓީ މިހެން ޖަހައިގެން އުޅެމުންދާ ފިނޑި މީހެކެވެ. އަމިއްލަ އައިޑެންޓިޓީ ފާޅު ކުރަން ނުކެރޭ ޔަހޫދީ ޚިޔާލުގެ ދޯހަޅި މީހެކެވެ. މީނާ ފާޅުވެފައި ވަނީ ފެކަލްޓީ އޮފް ޝަރީއާ އެންޑް ލޯގައި ނެރެވުނު ވާހިޔާތުތަކުން ފުރިފައިވާ ނޫހެއް ކަމުގައިވާ "ބުންޏެ ބުންޏޭ" ނެރުމުގެ ގާތްގަނޑަކަށް އެއް ހަފްތާ ކުރިންނެވެ. މީނާ ވަނީ ފެކަލްޓީގެ ގިނަ ބައެއްގެ މަގުބޫލުކަން ހޯދުމަށްޓަކައި މޫނުފޮތުގެ ބަވަނައިގައި އުޅެމުންދާ ފެކަލްޓީގެ ގިނަ އަދަދެއްގެ ދަރިވަރުން އޭނާގެ އެކައުންޓަށް އެޑްކޮށްފައެވެ.

ކޮންމެއަކަސް 27 އޮކްޓޫބަރ ވީދުވަހަކީ ފެކަލްޓީ މިއިން ދުވަހަކުވެސް ދެކެފައިނުވާ ފަދަ ހިތްދަތި ހިތާމަވެރި ދުވަހެކެވެ. އެދުވަހުގެ ދުވާލުގެ ގަޑި ދެބައިވީ ނީހައިން ފުރިފައިވާ ވާހަކަތަކުން ނެރެވުނު ނޫހާއެކު ގިނަބައެއްގެ އަބުރު ވެއްޔާ މޮޑެލުމާއެކުގައެވެ. ކޮންމެ މީހަކުވެސް އަނެކަކާ ކޮށްލާ ސުވާލަކަށް އެދުވަހުވީ އެއީ ކޮންބައެއް ކުރި ކަމެއްތޯއެވެ. ޝައްކުގެ އިނގިލިތައް އެތައް ބައެއްގެ މައްޗަށް ކުރިމަތި ކުރެވުނެވެ.

އެކި މީހުން ޝައްކު ކުރީ އެކި މީހުންނާ ދިމާލަށެވެ. ޚުދު އަޅުގަނޑާ ދިމާލަށް ވެސް ބައެއް ދަރިވަރުން މިދަންނަވާ ޝައްކުގެ އިނގިލި ދިއްކުރިއެވެ. އެދުވަހުގެ ރޭގަނޑުގެ ވަގުތެއްގައި ފެކަލްޓީގެ ޑީން ފޭސްބުކްގައި ލިޔުއްވި ސްޓެޓަސް އަކަށް ކޮމެންޓް ކުރަމުން އަޅުގަނޑު އޭގެ އެއްވެސް ކަމެއްގައި ބައިވެރި ނުވާކަމަށް މާތްﷲ ގަންދީ ހުވާކުރި މައިގަނޑު ސަބަބަކީ މިދަންނަވާ ޝައްކުތަކުން އެއްކިބާވެ ކުރިޔަށް އޮތް އިމްތިހާނަށް ވީހާވެސް އަމާން އޮމާން ކަމާއެކު ތައްޔާރު ވުމަށެވެ.

ނޫހެއްވެސް ނެރެވުނެވެ. ދަރިވަރުންގެ މެދުގައި އޮތް ހަމަޖެހުމާއި އެއްބައިވަންތަކަމުގެ ބަދަހި ގުޅުން ވެސް ނަގައިލެވުނެވެ. ދެން ފެނުނީ އެއްކަލަ ބިއާރޑީ ފޭސްބުކަށް މި ނެރެވުނު ނޫސް ސްކޭންކޮށްގެން ލީތަނެވެ. ކީކުރަންތޯއެވެ. އަޅުގަނޑަށް ގަބޫލް ކުރެވެނީ އެކަމުގެ މައިގަނޑު ބޭނުމަކީ އެނޫސް އިތުރަށް މަޝްހޫރުކޮށް ވީހާވެސް ގިނަ ބަޔަކަށް ކިޔޭނެ ގޮތް ހެދުމަށް ކަމަށެވެ. އެނޫން ކޮންބޭނުމެއް ބާވައޭ އަޅުގަނޑު ހިތަށް އަރައެވެ.

އެނޫސް މަޝްހޫރުވެ ގިނަ ބަޔަކު ކިޔާފައި ވަނީވެސް ބިއާރޑީ ކުރި ބުރަމަސައްކަތުގެ ނަތީޖާއިންނެވެ. މިއާއެކު ބިއާރޑީ ވަނީ ނޫސްނެރުނީ ކޮންބަޔެއްކަން ވަކި ތާރީޚެއްގައި ހާމަ ކުރާނެ ކަމަށްބުނެ ފޭސްބުކްގައި ލިޔެފައެވެ.
ބިއާރޑީ އޭނާ ބުނީ ތާރީޚަށް ވުރެ ކުރިން އޭނާ މިބުނާ ހެކިތައް ފޭސްބުކްގައި ޝާއިރުކުރިއެވެ. މިބިއާރޑީ ޝާއިރުކޮށްފައި ވަނީ ފެކަލްޓީގެ ކުދިންކޮޅެއް ފޭސްބުކްގައި ހަދައިފައިވާ ދެގްރޫޕެއްގައިވާ ކޮމެންޓްތަކެއްގެ ސްކްރީން ޝޮޓެވެ. މި ދަންނަވާ ގްރޫޕްތަކަކީ ފެކަލްޓީގެ ގާތްގަނޑަކަށް ހުރީހާ އެންމެން އުޅެމުންދާ ތަނެކެވެ. މި ގުރޫޕް ތަކަކީ މާސިއްރުވެރި ގޮތަކަށް ހިންގޭ ގްރޫޕްތަކެއް ނޫނެވެ. އެތާގައި ވާހާ އެއްޗެއް އެންމެނަށް ފާޅު ގޮތުގައި ފެންނާނެއެވެ.

ބިއާރޑީގެ މަސައްކަތުން އޭނާ ފޭސްބުކަށް ހެކީގެ ގޮތުގައި އަޕްލޯޑް ކޮށްފައިވާ 2 ފޮޓޯއަކުން ނޫސްނެރުނީ ވަކި މިވެނި މީހެކޭ ނުވަތަ ބައެކޭ ބުނެވޭވަރުވާނެއެވެ. އޭނާ އަޕްލޯޑްކޮށްފައިވާ ދެފޮޓޯއެއްގައި ވާނީ ކޮލެޖްގައި ކިޔަވަމުންދާ އަންހެން ދަރިވަރަކާއި ފިރިހެން ދަރިވަރަކާއި ދެމެދު ފޭސްބުކް މެސެޖްގެ ޒަރިއާއިން ކުރެވިފައިވާ މުއާމަލާތް ތަކެވެ. މި ފޮޓޯތައް ހެދިފައިވާ ގޮތުން، މިފޮޓޯތައް ބަލައިލާ މީހަކަށް ހައްޤު ފާޅުވާފަދައެވެ. ބިއާރޑީގެ މަޅީގައި ޖެހިފައިވާ ބައެއް ދަރިވަރުން ބިއާރޑީގެ ޕްރޮފައިލުން ސާފުވާނެއެވެ. ނަމަވެސް ބޮޑުމަންޒަރުން ބަލައިލީމާ މީވަކި ބަޔަކު މަޅީގައި ޖައްސަން ވެގެން ޖަހާފައިވާ މަޅިއެއްކަން ޔަގީންވާނެއެވެ.

އަޅުގަނޑު މިދެންނެވި ދެފޮޓޯ އަށް ބައްލަވާށެވެ. ފެކަލްޓީގެ ތެރެއަށް "ބުންޏޭ ބުންޏޭ" ނޫސް ލީކްވެފައި ވަނީ 27 އޮކްޓޫބަރ ވީ ދުވަހުގެ މެންދުރު 12 އެހާކަންހާއިރުއެވެ. ފޮޓޯގައި އަންހެން ދަރިވަރު ފިރިހެން ދަރިވަރަށް ފޮނުވާ މެސެޖް ފޮނުވާފައި ވަނީ 27 ވަނަ ދުވަހުއެވެ. ގަޑިއަކަށް އިނީ 3:50 am އެވެ. އެއީ އިނގިރޭސިން ބުނާނަމަ އާފްޓަރ މިޑްނައިޓް އެވެ. ދަންވަރު އަދި ނޫސް ނުނެރެނީސް ބަސްޓު ވެއެޖެ އޭ ކިޔާފައި މެސެޖް ފޮނުވާނެ ހެއްޔެވެ! އެ މެސެޖަށް ފިރިހެން ދަރިވަރު ރިޕްލައި ކޮށްފައި ވަނީ ވެސް ހަމަ އެދުވަހު ހެނދުނު 8:15 ގައެވެ. އޭރުވެސް އަދި މިނޫހެއް ނުނެރެއެވެ.

ފޭސްބުކްއިން ފޮނުވާ މެސެޖްތަކުގައި ސްޓޯވެފައި ވާނީ ފޭސްބުކްގެ ގަޑިއެވެ. އެއްވެސް ގޮތަކަށް ފޭސްބުކްއަށް ވަދެފައިވާ ކޮމްޕިއުޓަރުގެ ގަޑިއެއް ނޫނެވެ. ގަބޫލް ނުކުރެވޭ ނަމަ ފޭސްބުކް އިން މެސެޖް އެއް ފޮނުވާފައި އަމިއްލައަށް ބައްލަވާށެވެ.

އަދިވެސް އެ ފޮޓޯއަށް ބައްލަވާށެވެ. އެފޮޓޯގައިވާ ފިރިހެން ދަރިވަރުގެ ފޭސްބުކް އައިޑީ ބިއާރޑީ ވަނީ ހެކްކޮށްފައެވެ. އެހެން ކަމުން އެޕްރޮފައިލުން ބިއާރޑީ އަށް މެސެޖް ކުރެވިދާނެއެވެ. ފޮޓޯގައި އަންހެން ދަރިވަރާއި ފިރިހެން ދަރިވަރު ލިޔެފައިވާ އިބާރާތް ކޮޅު ޒޫމްކޮށްގެން ބައްލަވާށެވެ. އަންހެން ދަރިވަރު ލިޔެފައިވާ އިބާރާތް ފުސްވެފައި، ފިރިހެން ދަރިވަރިވަރު ލިޔެފައިވާ އިބާރާތް ސާފުކޮށް އޮންނަންވީ ކީއްވެ ހެއްޔެވެ! ސްކްރީން ޝޮޓްއެއްގައި އެފައިންވާނަމަ އެއީ އެ ފޮޓޯއެއް އެޑިޓްކޮށްފައިވާކަމުގެ އަލިގަދަ ހެއްކެކެވެ.
ލިޔުން ތަންކޮޅެއް ދިގުވުމާއެކު މިހާ ހިސާބުން ކުރުކޮށްލަމެވެ. ލިޔުމުގެ ފަހުބައި ދެންލިޔާ އާރޓިކަލްއެއްގައި ލިޔާނަމެވެ. (އިންޝާ އައްﷲ)